HStAOrient5a: 75v

olur. Nite‑kim resūlu llāh buyurur: Lā baʾsa bi‑r‑ruqā iḏā kāna min // kitābi llāhi ʿazza wa‑ǧalla. Ammā şol efsūnlar ki anda ismu llāh // olmaya ve bu cümle ile müʾes̱s̱ir ola dėmişler ki anuñ teʾs̱īri // ḥüsn‑i ẓann ve quvvet‑i vehm ve ṣıdq‑i himmet ve iḫlāṣ‑i niyyet // iledür. Rivāyet olınur ki Hindūlardan bir ṭāʾife vardur // ki anlara aṣḥāb‑i vehm dėrler. Eks̱er‑i ruqā ve efsūn anlardan // şāyiʿdür ve anlar bu efsūnları ġaybet‑i ḥavāss ḥāletinde // ervāḥ‑i cinniyāndan aḫẕ ėtmişlerdür dėrler ve baʿżı ʿulemā ḫᵛābda // ögrenmişlerdür dėmişler. Bu maʿnā emr‑i mümkindür ve ḥażret‑i ṣāḥibü // l- Yevāqīt buyurur ki bu ḥālet baña vāqiʿ olmışdur ki bir // şeb şehr‑i Şūştarda ʿālem‑i ḫᵛābda gördüm bir ḥastanuñ [!] // bālīni üzre bu duʿā‑yi maʿrūfı oqurdum ki: Asʾalu // llāha l‑ʿaẓīma rabba l‑ʿarši l‑ʿaẓīmi an yašfīnī an yašfīka. Ve bir şaḫṣ baña // muttaṣıl dėrdi ki bu kelimātı daḫı qırāʾat eyle: Terā‑terā‑terā‑ // rahṭ‑rahṭ‑rahṭ. Ve daḫı gördüm bir kimesne baña eyidür ki // efsūn‑i mār budur: Wa‑laqad karramnā banī Ādama. El‑āyet. Ve daḫı // gördüm ki eger bir kimse dilerse ki Allāhu taʿālā aña yüsr vėre // gerekdür ki bu gėce iki rekʿat namāz qıla aḫşam namāz ile yatsu // namāzı mā‑beyninde ve her rekʿatde Sūre‑i Meryem oqıya dėdi.